| Կինո | Համերգ | Թատրոն | Ցուցահանդեսներ | Երեկույթներ | Ռեստորաններ | Ին-Յան |
 |
Նոյեմբերի 25-ին և 27-ին Արամ Խաչատրյան համերգասրահում կհյուրընկալվի Մոսկվայի պետական ակադեմիական սիմֆոնիկ նվագախումբը` գեղարվեստական դեկավար և դիրիժոր Պավել Կոգանի գլխավորությամբ: Համերգները կայանալու են «Արամ Խաչատրյանի անվան միջազգային մրցույթի» շնորհանդեսի շրջանակներում` ՀՀ առաջին տիկին Ռիտա Սարգսյանի բարձր հովանու ներքո, աջակցել են Հայաստանի և Ռուսաստանի մշակույթի նախարարությունները, ինչպես նաև Կոմիտասի անվան պետկոնսերվատորիան:
Նոյեմբերի 25-ին մոսկովյան նվագախումբը կգլխավորի մաեստրո Պավել Կոգանը, ծրագրում կհնչեն Գլինկա, Խաչատրյան, Գլազունով և Մուսորգսկի-Ռավել: Իսկ նոյեմբերի 27-ին Մոսկվայի սիմֆոնիկ նվագախմբի համերգի ժամանակ դիրիժորական վահանակի առջև կկանգնի Հայաստանի պետական երիտասարդական նվագախմբի գեղարվեստական ղեկավար և դիրիժոր Սերգեյ Սմբատյանը, ծրագրում կհնչեն Արամ Խաչատրյանի 2-րդ սիմֆոնիան, ինչպես նաև կոնցերտ ջութակի և նվագախմբի համար: Որպես մենակատար հանդես կգա Միխայիլ Սիմոյանը ԱՄՆ-ից:
Մոսկվայի պետական ակադեմիական սիմֆոնիկ նվագախումբը ստեղծվել է 1943թ-ին, իսկ Պավել Կոգանն այն գխավորում է 1989թ-ից:
Tert.am
