Փետրվարի 12-ին Երեւանում տեղի կունենա Հայաստանի պետական ֆիլհարմոնիկ նվագախմբի համերգը
Փետրվարի 12-ին Երեւանի Արամ Խաչատրյան համերգասրահում տեղի կունենա Հայաստանի պետական ֆիլհարմոնիկ նվագախմբի համերգը, որի գեղարվեստական ղեկավարն ու գլխավոր դիրիժորը Էդուարդ Թոփչյանն է:
Որպես մենակատար հանդես կգա դաշնակահար Մարիաննա Ուզանկիչյանը: Համերգի ընթացքում կհնչեն Լյուդվիգ վան Բեթհովենի ստեղծագործությունները:
Համերգի կազմակերպիչը ՀՀ մշակույթի նախարարությունն է` ՀԲԸՄ-ի եւ ՎիվաՍել-ՄՏՍ ընկերության ֆինանսական աջակցությամբ:
Մարիաննա Ուզանկիչյանը դաշնակահար է: Նա ծնվել է 1991թ., սովորում է Երեւանի Կոմիտասի անվան պետական կոնսերվատորիայում: Նա Vladimir Horowitz Young Pianists մրցույթի հաղթող է (2004 երկրորդ տեղ): «Ազգային պատկերասրահ» երաժշտական փառատոնի մասնակից է (2005, 2006թթ. Հայաստան): Համերգներով հանդես է եկել ԱՄՆ-ում, Հունաստանում, Ֆրանսիայում, ՌԴ-ում, Գերմանիայում եւ Ավստրիայում:
«PanARMENIAN.Net»
04 Փետրվար 2010
Խնդրում ենք գրանցվել, որպեսզի հնարավորություն ունենաք գնահատել նյութեը
