| Կինո | Համերգ | Թատրոն | Ցուցահանդեսներ | Երեկույթներ | Ռեստորաններ | Ին-Յան |
 |
Այս տարվա փետրվարից Եվրոպայի թանգարաններում կկազմակերպվեն մի շարք ցուցահանդեսներ, իսկ Հռոմում կբացվի մեծ հոբելյանական «Կարավաջոն», որտեղ կներկայացվեն աշխատանքներ ամբողջ աշխարհից:
Ցուցահանդեսներին ներկայացված կլինեն իմպրեսիոնիստների աշխատանքներ, «Մոնեն և աբստրակցիոնիզմը»՝ Մադրիդում, Վան Գոգը, Սեզանը, Մոնեն և այլք` Ցյուրիխում, Գոգենի վիմագրությունները` Ամստերդամում:
Իսկ փետրվարի 10-ից մինչև մայիսի 3-ը Լոնդոնի Tate ժամանակակից արվեստի թանգարանում կգործի ամերիկահայ նկարիչ Արշիլ Գորկու աշխատանքների հետահայաց ցուցադրությունը:
Արշիլ Գորկու (1904-1948թթ., իսկական անունը՝ Ոստանիկ Ադոյան) ընտանիքը Ցեղասպանության ժամանակ գաղթել է Սոչի, այնուհետև մշտական բնակություն է հաստատել Միացյալ Նահանգներում:
Նշենք, որ Արշիլ Գորկու աշխատանքների առաջին անհատական ցուցահանդեսը տեղի է ունեցել 1931թ.: Տաղանդավոր նկարչի վերջին շրջանի աշխատանքները, սակայն, մռայլ են ու ողբերգական, ինչի պատճառը նրա դժբախտ կյանքն է: 1946թ. վարպետի արվեստանոցում բռնկված հրդեհը ոչնչացնում է 27 աշխատանք, հետագայում նկարիչը ծանր հիվանդանում է, իսկ 1948թ. ավտովթարից հետո` ինքնասպանություն գործում:
Tert.am
