| Կինո | Համերգ | Թատրոն | Ցուցահանդեսներ | Երեկույթներ | Ռեստորաններ | Ին-Յան |
Հայտնի իտալացի խոհարար Մատիա Պոջին դարձել է երկու հանրահայտ երգչուհիներ Մադոննայի և Ջենիֆեր Լոպեսի վեճի պատճառ, քանի որ երկու աստղերն էլ որոշել են կազմակերպել իտալական խոհանոցով երեկույթ՝ պատրաստված միևնույն խոհարարի ձեռքով։ Այս մասին հաղորդում է Agi News-ը։
Ջենիֆեր Լոպեսը Մարկ Էնթոնիի հետ ամուսնության վեցամյա հոբելյանի կապակցությամբ որոշել է իտալական խոհանոցի իսկական տոն պարգևել ընտանիքի անդամներին։ Չնայած հոբեյլանին դեռ երկար ժամանակ կա, այնուամենայնիվ, Լոպեսը որոշել է արդեն սկսել նախապատրաստական աշխատանքները՝ հրավիրելով հեռուստաշոուների միջոցով ճանաչում ձեռք բերած երիտասարդ իտալացի խոհարարին։
Մադոննան իր հերթին պատրաստվում է տոնել հոր՝ Սիլվիո Չիկոնեի ծննդյան տարեդարձը. նա որոշել է վերադառնալ արմատներին և իտալական խոհանոցի շքեղ տոն կազմակերպել՝ կրկին ողջ պատասխանատվությունը դնելով իտալացի խոհարար Մատիա Պոջիի վրա։ Այժմ խոհարարը պետք է ընտրություն կատարի և նախապատվությունը տա երկու աստղերից մեկին։
Tert.am
