Հայոց ցեղասպանության ժխտումը քրեականացնող օրինագծից բացի, այս օրերին թուրքական լրատվամիջոցների ուշադրության կենտրոնում է նաև Սյուզան Խարտալյանի «Մեծ մորս դաջվածքները» (Grandma’s Tattoos) ֆիլմը։

Tert.am

Բլոգեր Արգամ Ուստյանը Սիրուշոյի ֆան-ակումբի կայքին տված հարցազրույցում ասել է. «Անշուշտ ողջունում եմ եվրատեսիլի հայաստանյան պատվիրակության որոշումը: Պետք է այսօր աշխարհին ապացուցել, որ մեզ, հայերիս համար միևնույնն է, թե որտեղ ենք ելույթ ունենում` Թուրքիայում, Լեհաստանում, Ուզբեկստանում, թե Ադրբեջանում, կարևորը տվյալ ներկայացուցչի գեղեցիկ շոուն և պրեֆեսիոնալ կատարումն է: 

Tert.am

2011 թ.` ձեռքբերուների տարի

Հայաստանի պետական երիտասարդական նվագախմբի գլխավոր դիրիժոր և գեղարվեստական ղեկավար Սերգեյ Սմբատյանի կարծիքով`Sony ապրանքանիշի ներքո ձայնասկավառակի թողարկումը 2011 թ. ամենակարևոր նվաճումներից է նվագախմբի համար:  «Բացի այդ, ունեցել ենք բազմաթիվ համերգներ Եվրոպայում, ԱՊՀ-ում: Իրականացրել ենք հետաքրքիր նախագծեր, որոնց շրջանակներում մեկնարկել է Ցեղասպանության 100-ամյակին նվիրված 100 համերգ ծրագիրը, որը կավարտվի 2015-ի ապրիլի 24-ին: Իհարկե, նվագախմբի համար դժվար է միաժամանակ այսքան նախագծեր իրականացնել, սակայն դա մեզ հաջողվում է լավ մենեջմենթային թիմ ունենալու պատճառով», - mardik.am-ի հետ հարցազրույցում ասաց Սերգեյ Սմբատյանը:

Նոր տարվա անցուդարձ

Խոսելով 2012-ին նախատեսված ծրագրերից, Սերգեյ Սմբատյանը նշեց, որ նվագախումբն արդեն ութ հրավերք է ստացել արտասահմանում համերգներով հանդես գալու համար: 

Երևանում  նույնպես բազմապիսի ծրագրեր կիրականացվեն`  Երևանի մեծ բուհերում  կանցկացվի 8 համերգ` «Hollywood non stop» խորագրով, որի նպատակն է ինտեգրել մարդկանց դասական երաժշտության մեջ:  Բացի այդ,  2012-ի հունվարի 26-ին նվագախումբը հանդես կգա աշխարհի լավագույն ջութակահար և կոնցերտմեյստերներից է՝ Լոնդոնի սիմֆոնիկ նվագախմբի առաջին ջութակ Ռոման Սիմովիչի հետ միասին, ով նաև, ամենայն հավանականությամբ, վարպետության դասեր կանցկացնի նաև երիտասարդ երաժիշտների համար:

«Մենք երբեք համերգից համերգ նույն ծրագիրը չենք կրկնում, դա ես համարում  եմ նվագախմբի ամենակարևոր հատկանիշներից մեկը: Այդ իսկ պատճառով հունվարի 26-ին մենք հանդիսատեսին կներկայացնենք Էրիխ Քորնհոլդի «Կոնցերտ ջութակի և նվագախմբի համար» ստեղծագործությունը, որը դեռևս չէինք ներկայացրել Երևանում», - ասաց նա` շարունակելով, որ ընդհանուր առմամբ 2012 –ը նույնպես շատ ակտիվ է լինելու: 

Դիրիժորը մեզ հետ կիսվեց նաև իր ապագա ծրագրերով, նշելով, որ 2012 –ի հունիսին նա կավարտի իր ուսումը Լոնդոնի թագավորական երաժշտական ակադեմիայում, ունի բազմաթիվ հրավերքներ Ճապոնիայից, Չինաստանից, Ավստրալիայից, ԱՄՆ-ից: «Ինձ երջանիկ մարդ եմ համարում, որովհետև զբաղվում են այն գործով, որը սիրում եմ, լոկալ իմաստով համարում եմ քիչ թե շատ կայացած մարդ, հստակ գիտեմ` ինչ եմ ուզում, ուր եմ ուզում գնալ, որտեղից եմ եկել...»- ասաց նա:

Երաժշտական կոլեկտիվների որոշ ղեկավարների հիվանդ մտածելակերպի մասին…

Սերգեյ Սմբատյանը լուրջ խնդիր համարեց այն, որ հայկական հարուստ մշակույթը ոմանց կողմից ճիշտ չի մեկնաբանվում: «Բոլորն ապշում են, որ մենք այդպիսի բարձր մակարդակի մշակույթ ունեցող ազգ ենք, սակայն, կոպիտ ասած, չենք կարողանում դա վաճառել աշխարհին` դա գումարների հետ կապված չէ ընդհանրապես», - ասաց նա:

«Հայաստանում կան կոլեկտիվների ղեկավարներ, որոնք հիվանդ մտածելակերպ ունեն: Նրանք պետք է հասկանան, որ   շատ փող` երկրում մնալու դիմաց գաղափարը սխալ է: Անընդհատ խեղդելով, սեղմելով նեգատիզվիզմի վրա արդյունք չի բերում: Օրինակ`  Լոնդոնում բյուջեից նվագախմբերին երբեք որևէ գումար չի հատկացվում...չկա այդպիսի բան: Այնտեղ բացակայում է «պետությունը քիչ է գումար տալիս` չենք պահպանում երաժշտություն» գաղափարը: Ով որ դժգոհ է իրողություններից, կարող է տոմս առնել ու հանգիստ հեռանալ», - ասաց նա: 

Սերգեյ Սմբատյանի խոսքերով ` Հայաստանում շատ քիչ մարդիկ են հետաքրքրված դասականով:  «Մենք փորձում ենք ուղղել դա, սակայն մեր արած գործից օգտվում են բոլոր նվագախմբերը` մարդը գալիս է երիտասարդականի համերգին, հասկանում  է, որ դա լավ է և արդեն այցելում է սիմֆոնիկի, ֆիլհարմոնիկի համերգներ, սակայն արդյունքը պահպանելու համար մեզ պետք չէ խանգարել  « на ура» հայտարարություններով: Դա շատ է խանգարում  ներքին շուկայի ձևավորմանը», - նշեց նա:

 Հայաստանի պետական երիտասարդական նվագախմբի գլխավոր դիրիժոր և գեղարվեստական ղեկավարը ընդգծեց, որ ոչ մի վատ բան չի տեսնում նրանում, երբ մեր երաժիշտները հրավերքով արտասահման են մեկնում աշխատելու: «Սա վկայակոչում է մեր կրթական համակարգի  հաջողության մասին: Պետք չէ մոռանալ, որ արտասահման աշխատանքի մեկնելով մարդը շարունակում է հայրենասեր մնալ և  լինել հայկական մշակույթի կրող», - ասաց Սերգեյ Սմբատյանը:

http://mardik.am

 Բրիտանական երգիչ Ջորջ Մայքլը հնարավոր է, որ ընդմիշտ կորցնի իր ձայնը: Այս վարկածը չի բացառել վիրաբույժ Գերրիտ Վոլտը, ով վիրահատել է երգչին։ 

Ինչպես գրում է The Daily Star -ը, հնարավոր է արհեստական ապարատով թոքերի մաքրումն ազդեցություն թողնի ձայնալարերի վրա, և երգչի ձայնը դառնա խռպոտ: 

Բժիշկը նշել է, որ հնարավոր է նաև, որ երգչի ձայնը աստիճանաբար վերականգնվի, սակայն դրա համար կպահանջվի երկար ժամանակ: Հաջորդ տարի Ջորջը հաստատ չի կարողանա վերադառնալ երգարվեստ: 

Այս վիրահատության պատճառը դարձավ ծանր թոքերի բորբոքումը: Վիրահատությունը կատարվել է նոյեմբերին՝ Վիեննայում: 48-ամյա երգիչն ասել է, որ ավստրիացի բժիշկները փրկել են իր կյանքը:

1in.am

 Մըրայա Քերիի և Նիք Քենոնի երկվորյակները` Մորոկանը և Մոնրոյը, արդեն գրեթե մեկ տարեկան են:

Ըստ People.com-ի՝ երգչուհին հայտնել է, որ ինքն ու իր տղան շատ նման են իրար և միանման ժպիտ ունեն: Mariah Carey: On The Record with Fuse հատուկ հարցազրույցի ժամանակ երգչուհին ասել է. «Ես նրա մեջ նկատում եմ այն ուրախությունը, որը միշտ եղել է իմ մեջ: Ինչ-որ մի ազատություն միշտ եղել է իմ մեջ, բայց կարիերայի պատճառով դա փոխվեց»:

Մըրայան նաև ասել է, որ որդին չափազանց ընկերասեր է:

Դստեր մասին խոսելիս՝ երգչուհին հայտնել է, որ Մոնրոյը յուրահատուկ պայծառ անձնավորություն է: «Մենք նրան «օրիորդ Մոնրոյ Քենոն» ենք կոչում: Նա կարողանում է միայնակ օգտվել իր կաթի շշից: Նա իսկապես շատ անկախ է»։

Louis Vuitton բրենդի ներկայացուցիչները հայց են ներկայացրել Warner Bros ընկերության դեմ` ֆիլմում Louis Vuitton–ի պայուսակը օգտագործելու համար: 

Hangover 2 ֆիլմի մի հատվածում դերասանը Diophy ընկերության արտադրած պայուսակով մոտենում է ընկերոջն ու նշում, որ պայուսակը Louis Vuitton է: Վերջինս էլ դժգոհում է, որ ֆիլմում շոշափվել է իր ընկերության անունը, բայց ցուցադրվել է այլ բրենդի պայուսակ: 

The Wrap կայքը գրում է, որ ընկերությունը հայցը ներկայացրել է ֆիլմի՝ էկրաններին ցուցադրվելուց հետո: Սակայն վարձույթից հետո ֆիլմը ձայնագրվել է DVD–ով` առանց որևէ փոփոխության: 

Hangover 2 ֆիլմն էկրան է բարձրացել 2011 թվականին: Նրա վարձույթից ստացվել է 581 մլն դոլար եկամուտ, մինչդեռ նրա բյուջեն կազմել է 80 մլն դոլար:

1in.am

 Մել Գիբսոնը 30 տարի ամուսնական կյանքից հետո բաժանվել է կնոջից `Ռոբին Մուրից:

Քանի որ մինչ համատեղ կյանք սկսելը նրանք ամուսնական պայմանագիր չեն կնքել, Գիբսոնը ստիպված է ամուսնալուծությունից հետո իր ունեցվածքի կեսը տալ կնոջը: 

Դատարանի որոշումը կայացվել է դեկտեմբերի 23-ին: Դերասանը նաև ստիպված է լինելու մինչև կյանքի վերջը նախկին կնոջը վճարել իր աշխատավարձի, հոնորարի կեսը: 

Ինչպես գրում է Экспресс газета-ն, Մել Գիբսոնի կինն ապրելու խնդիր այլևս չի ունենա: Միայն «Քրիստոսի չարչարանքները» ֆիլմից Գիբսոնը ստացել է 600 մլն դոլար: 

1In.am

Չնայած Քիմ Քարդաշյանը վերջերս տեղի ունեցած ամուսնալուծության պատճառով անձնական խնդիրներ ունի, բայց, ինչպես հաղորդում է HollywoodNews.com-ը, նա ֆինանսական խնդիրներ հաստատ չի ունենա:

Քիմը մեծ գումար կվաստակի Լաս Վեգասում Ամանորի նախoրեին ներկա գտնվելու համար: Միայն «Տաո» գիշերային ակումբում կայանալիք ամանորյա հավաքույթին ներկա գտնվելով՝ Քիմը կվաստակի 600.000 դոլար:

Քիմի քույրը` Քորթնին, նույնպես Վեգասում կլինի, բայց հայտնի չէ, թե որքան նա այդ օրը կվաստակի:

1in.am

Tert.am

Հանրային հեռուստառադիոընկերության խորհրդի նախագահ Ալեքսան Հարությունյանը երեկ ասել է, որ «Աննա» հեռուստասերիալը կավարտվի հունվարի 6-ին, որին կփոխարինի «Գեներալի աղջիկը» հեռուստասերիալը: Նա հույս է հայտնել, որ տարեցտարի սերիալների որակը կբարձրանա: Նոր սերիալի ռեժիսորը դարձյալ «Աննա» հեռուստասերիալի ռեժիսոր Ելենա Արշակյանն է: Մեր զրույցը Ելենայի հետ է:

- Ելենա, ինչո՞ւ որոշեցիք «Աննան» փոխարինել «Գեներալի աղջիկը» հեռուստասերիալով, գուցե հեռուստադիտողնե՞րն են պակասել:

- «Աննա» հեռուստասերիալին ոչ ոք ու ոչ մի բան չի գալիս փոխարինելու: Պարզապես հեռուստասերիալն իր տրամաբանական ավարտին է մոտենում: Փոխարինելու խնդիր չկա, ուղղակի սկսում ենք նոր հեռուստանովել, որը կոչվում է «Գեներալի աղջիկը», և շուտով այն կլինի եթերում:

- Ինչո՞ւ է սերիալը կոչվում «Գեներալի աղջիկը», իրականության մեջ կա՞ արդյոք նախատիպը: Կամ` հնարավո՞ր է արդյոք, որ ինչ-որ գեներալ է ֆինանսավորում սերիալը, և որոշել եք այն վերնագրել «Գեներալի աղջիկը»:

- (Ծիծաղում է) Շատ լավն էր. ճիշտն ասած` չէի մտածել, որ կարելի է մի գեներալի խնդրել, որ ֆինանսավորի... Չէ՜, որևէ գեներալ չի ֆինանսավորում: Սցենարի հեղինակն Անահիտ Մխիթարյանն է, որը նաև ՙԱննա՚ և ՙՈրբերը՚ հեռուստասերիալների հեղինակն է: Նախատիպեր, որպես այդպիսիք, չկան, ուղղակի շատ հետաքրքիր սյուժետային գիծ է: Առաջին մի քանի սերիաներում դեպքերը զարգանում են Ղարաբաղում, այնուհետև գալիս ենք մեր օրեր: Շատ պարզ սյուժեով, առանց ինչ-որ բարդությունների, հանգիստ, տրամաբանական սյուժեով հեռուստասերիալ է սպասվում մեր հեռուստադիտողներին:

- Ի՞նչ նկատի ունեք, երբ ասում եք` առանց բարդությունների:

- Պատմություններ չեն լինելու, պարզ, տրամաբանական իր գծով շարունակվող հեռուստասերիալ է լինելու:

- Մեր հեռուստասերիալների մասին բազմիցս գրվել է, խոսվել, քննադատվել: Ի վերջո, մի՞թե չի կարելի ավելի բովանդակային բան ստեղծել: Արդյոք իր բովանդակային տրամաբանությամբ «Գեներալի աղջիկը» կտարբերվի՞ մյուսներից:

- Հարցի տրամաբանությունն ու խնդրի ենթատեքստը հասկանում եմ, ուղղակի այսպիսի մի բան ասեմ. սերիալի` որպես բարձր գեղարվեստական արժեքի մասին, բնականաբար, չենք կարող խոսել: Այսինքն` հեռուստասերիալը, ինչպես ցանկացած արտադրանք, ունի իր լսարանը, իսկ հեռուստասերիալների արտադրությունը մի նոր բան է, որը զարգանում է հայաստանյան հեռուստաասպարեզում և վատ չի զարգանում: Ինչ վերաբերում է հեռուստասերիալի բովանդակությանը կամ անբովանդակությանը, սերիալը նոր է սկսվում, ի՞նչ գիտեք, որ անբովանդակ է:

- Դե, որովհետև մասնագիտական քննադատության է արժանանում ցանկացած սերիալ:

- Մենք Հայաստանում այդպիսի մասնագետնե՞ր ունենք, եթե ունենք` ես սիրով կուզեի լսել, բայց ես ինչքան գիտեմ, «սերիալի մասնագետներ» Հայաստանում չկան: Կան մարդիկ, ովքեր ունեն իրենց կարծիքը, ինչպես ես և իմ ընկերները, իմ ստեղծագործական անձնակազմը և իմ ղեկավարությունը: Այսինքն` ամեն մեկս ունենք մեր կարծիքը ինչ-որ երևույթի մասին: Իսկ ինչ վերաբերում է քննադատողներին, թող քննադատեն, ես մեծ սիրով լսում և կարդում եմ ցանկացած քննադատություն, այսինքն` ինձ յուրաքանչյուրի կարծիքն էլ հետաքրքիր է: Բնականաբար, քննադատություններից ելնելով, եթե հասկանում եմ, որ մենք ինչ-որ մի տեղ սխալ ենք արել, թուլացել ենք, լսում եմ, ուղղում եմ. այնպես չէ, որ ասենք ինձ համար օդ է: Մեծ սիրով լսում եմ ցանկացածի կարծիք:

- Ովքե՞ր են սերիալի հովանավորները, գիտեմ, որ «Աննան» պաշտոնյաներ էին հովանավորում:

- Հովանավորների հետ կապված ոչ մի բան չեմ կարող ասել, որովհետև ինքս չգիտեմ այդ ամեն ինչը ինչպես է լինում: Դուք զանգահարել եք սերիալի ռեժիսորին, որը պատասխանատու է ստեղծագործական անձնակազմի և մնացած այլ հարցերի համար:

- Իսկ դերասաններն ովքե՞ր են, գիտենք, որ մեր սերիալներում հաճախ դերասան լինելը պարտադիր չէ խաղալու համար: Այս անգամ ովքե՞ր են խաղալու:

- Ինչ վերաբերում է ՙԱննա՚ հեռուստասերիալին, ամբողջ 80 տոկոսը կազմված է եղել բացառապես դերասանական կազմից, այն մարդիկ, որոնք ունեն դերասանական կրթություն կամ սովորում են թատերական ինստիտուտում: Այսինքն` դա մեզ մոտ եղել է և կշարունակվի նաև այս սերիալում: Բնականաբար, էպիզոդիկ կամ մասսայական տեսարաններում պարտադիր չէ, որ նկարահանվեն դերասանները: Ով է ասել, որ սերիալներում պետք է բացառապես նկարահանվեն դերասանները: Էպիզոդիկներում էլ են նկարահանվում դերասաններ, բայց դա չի նշանակում, որ ոչ դերասանները գլխավոր դերեր են խաղում:

- Ովքե՞ր են խաղալու գլխավոր դերերը:

- Գլխավոր դերերի համար ընտրված են արդեն դերակատարները, բայց չեմ ասի` այնքանով, որ կուզեմ անակնկալ լինի, ասեմ, որ շա՛տ հաճելի անակնկալ է լինելու, ինչպես նաև լինելու են դեմքեր, որոնք մինչև այժմ չեն երևացել հեռուստասերիալներում:

- Հնարավո՞ր է` գեղեցկուհիներից խաղան, օրինակ` Լուսինե Թովմասյանը, որին ՙՄի վախեցիր՚-ում ընտրեցին: Այդպիսի՞ անակնկալներ են:

- Չեմ կարող ասել. ես ասացի` գաղտնիք է: Ըստ իս, իրենց կերպարներից գոհ են: Երկար-բարակ խոսելու փոխարեն ճիշտը աշխատելն է, ու մեզ մոտ նկարահանվում են դերասաններ, մեր ստեղծագործական անձնակազմը պրոֆեսիոնալ է աշխատում, այսինքն` ստեղծագործական անձնակազմն ունի պրոֆեսիոնալ կրթություն, ես ավարտել եմ Թատերական ինստիտուտի ռեժիսուրայի բաժինը, գլխավոր օպերատորը ևս Թատերական ինստիտուտի օպերատորական բաժինն է ավարտել:

- Դերասանների` սերիալից սերիալ տեղափոխմանը կերպարի մահն է նախորդում. այլ լուծում կարծես չի գտնվում. արդյոք հնարավո՞ր է վճարել այնքան, որ կեսից չթողնեն սերիալը:

- Ես ֆինանսական հարցերով չեմ զբաղվում, ինչ վերաբերում է դերասանները այստեղ մահանան, թե ուրիշ տեղ գնան, այդպիսի հարց չի լինի, որովհետև «Աննա» հեռուստասերիալն ավարտվում է, և եթե անհրաժեշտություն եղավ, դերասանները կնկարահանվեն նաև այս սերիալում:

- Հեռուստասերիալի արտադրությունը զարգացո՞ւմ ունի Հայաստանում, մինչև ո՞ւր կարող ենք հասնել, հնարավո՞ր է մի օր ընդհանրապես դադարենք ֆիլմ նկարել և միայն հեռուստասերիալ նկարենք:

- Իհարկե, դա լավ չի լինի, մենք նկարել ենք և նկարելու ենք ֆիլմեր (մենք ասելով` նկատի ունեմ թե՜ Հանրային հեռուստաընկերությունը և թե՜ ընդհանրապես կինոարտադրողներին):

- Նկատի ունեմ` կարո՞ղ է մի օր թողնեք սերիալները և ֆիլմեր սկսեք նկարահանել:

- Ցանկացած ռեժիսորի համար պատիվ է գեղարվեստական ֆիլմ նկարելը: Ես ընդամենը 27 տարեկան եմ, հույս ունեմ` այդ օրն էլ կգա, որ մենք հարցազրույց կունենանք նաև այդ առիթով:

-«Աննա»հեռուստասերիալը «Աղբ եթերից» մրցանակաբաշխության հաղթող ճանաչվեց: Այդ մրցանակները պարտավորեցնո՞ղ են:

- Այդ տեսակ մրցանակները այն տեսակ մարդկանց համար են, ովքեր կարիք ունեն իրենց մասին հիշեցնելու: «Աննա» հեռուստասերիալն այն հեռուստասերիալն է, որը կայացել է, և եթե իրենք անդրադառնում են, անդրադառնում են նրա համար, որ կարդան և իմանան` իրենք ով են, իրենցից ինչ են ներկայացնում:

- Եթե Ձեր դերասաններից մեկի հետ Անժելա Սարգսյանի պատմության պես սկանդալային պատմություն ստացվի, կվռնդե՞ք ձեր կազմից:

- Իհարկե ոչ, որովհետև յուրաքանչյուր դերասանի անձնական կյանքն իր անձնական կյանքն է, ինքը նկարահանման հրապարակում ենթարկվում է մեր ստեղծագործական թիմին և պարտավորվում է որպես դերասան անել այն, ինչ հանձնարարվում է իրեն, պրոֆեսիոնալ մոտեցում ցույց տալ, մնացածը, թե ինքը իր անձնական կյանքում ինչով է զբաղվում, ում հետ ինչ է անում` ո՜չ ինձ, ո՜չ իմ ստեղծագործական խմբին չի հետաքրքրում:

1in.am

Երևանի կենտրոնում նոյեմբերի 20-ին «Մանկական Եվրատեսիլ 2011»-ին նվիրված ֆլեշմոբ կկազմակերպվի, հաղորդում է մրցույթի կազմկոմիտեն:

«Ժամը 14:00-ին Կասկադում միաժամանակ կկազմակերպվի մի քանի ֆլեշմոբ: Միջոցառման մասնակիցները կկանգնեն Կասկադի աստիճաններին և ազդանշանը լսելուն պես կկքանստեն՝ «Junior Eurovision» և «2011 Dalita» գրառումները պատկերելու համար», - նշվում է տեղեկատվության մեջ:

Ֆլեշմոբի ավարտից հետո մրցույթին Հայաստանը ներկայացնող Դալիթան փոքր հարցազրույց կտա:
2010 թ.-ի նոյեմբերին Մինսկում կայացած «Մանկական Եվրատեսիլ 2010» մրցույթում հաղթող ճանաչվեց Հայաստանը ներկայացնող 12-ամյա ղարաբաղցի Վլադիմիր Արզումանյանը:

Այս տարի «Մանկական Եվրատեսիլը» կանցնի դեկտեմբերի 3-ին Կարեն Դեմիրճյանի անվան մարզահամերգային համալիրում: Հայաստանը միջազգային մրցույթին չորրորդ համարի ներքո կներկայացնի Դալիթան՝ «Welcome to Armenia» երգով:

Նովոստի-Արմենիա

Ռեժիսոր` Դավիթ Բաբախանյան

Սցենարի հեղինակ` Աշոտ Աբրահամյան, Դավիթ Բաբախանյան, Ռուբեն Ջաղինյան

Գլխավոր պրոդյուսեր` Ռուբեն Ջաղինյան

ԴԵՐԵՐՈՒՄ` Հովհաննես Ազոյան, Սերժ Ավետիքյան, Ռոզի Ավետիսովա, Վիվիեն Բաստաջյան, Սամվել Սարգսյան, Սոս Ջանիբեկյան: Նարեկ Դուրյանի հատուկ մասնակցությամբ:

«Պահանջվում է միլիոնատեր» ֆիլմի ստեղծագործական և պրոդյուսերական թիմը համախմբվել է նոր կինոնախագծի շուրջ: «Փեսացուն կրկեսից» կատակերգական ժանրի նոր ֆիլմը հավակնում է կրկնել և գերազանցել «Միլիոնատիրոջ» հաջողությունը:

«Փեսացուն կրկեսից»` գրավիչ, արկածային սյուժեով,  սուր հումորով արկածային այս կատակերգությունում զբաղված են հայտնի և սիրված դերասաններ` Հովհաննես Ազոյանը, Սերժ Ավետիքյանը, Ռոզի Ավետիսովան, Վիվիեն Բաստաջյանը, Նարեկ Դուրյանը, Սամվել Սարգսյանը, Սոս Ջանիբեկյանը:

Մասնագիտությամբ անասնաբույժ, գլխավոր հերոսը (Հովհաննես Ազոյանը) սիրահարված է մի աղջկա, որի հայրը դեսպան է: Հերոս ժամանում է ամառանոց` ծանոթանալու աղջկա ծնողների հետ` իր հետ բերելով իր սիրելի կապիկ Միկկիին, որին նա փորձում է թաքցնել դեսպանից եւ դեսպանի կնոջից:

Սակայն իրադարձությունները դուրս են գալիս վերահսկողությունից` ամառանոցում սկսվում է զարգանալ զվարճալի պատմություն դեսպանի, հատուկ ծառայությունների, գլխավոր հերոսի եւ կապիկ Միկկիի մասնակցությամբ: Այդ զվարճալի եւ խճճված, արկածներով լի պատմությունը կարծես թե վատ է ավարտվում բոլորի համար, սակայն կա մի հանգամանք, որը օգնում է մեր հերոսներին խուսափել անհաջողություններից եւ վերգտնել կորցրած սերն ու երջանկությունը:

Աշխարհահռչակ ռոք-երաժիշտ, բանաստեղծ, կոմպոզիտոր և հասարակական գործիչ Սերժ Թանկյանն առաջին մասնագիտությամբ մենեջմենթի մասնագետ է։ Ծնվել է Բեյրութում, ապրում և աշխատում է ԱՄՆ-ում, 44 տարեկան է, ամուսնացած չէ։ «Շանթ» հեռուստաընկերության «Աշխարհի հայեր» հաղորդումը ներկայացրել է նրան։

Tert.am

Աշխարհահռչակ երգչուհի Շերը հայտարարել է, որ ինքը չի վիրավորել Քիմ Քարդաշյանին եւ Twitter-ում արված իր գրությունը չի վերաբերում Քարդաշյան քույրերին:

«Ես խոսել եմ Bridezillas շոուի մասին, այլ ոչ` Քարդաշյան քույրերի մասին»,- խոստովանել է Շերը, գրում է US Magazine-ը:

Նշենք, որ Շերի որդին` Չեզ Բոնոն եւ Քարդաշյան քույրերի եղբայր Ռոբ Քարդաշյանը «Պարեր աստղերի հետ» հայտնի շոուի մասնակիցներ են եւ շուտով հայտնի երգչուհին պետք է բախվի Քարդայան ընտանիքի հետ:

NEWS.am

Հայ երիտասարդները ամեն բնագավառում են լավը՝ թե՛ երգարվեստում, թե՛ թատրոնում, թե՛ սպորտում։ 

Ադրբեջանի վարչապետ Արթուր Ռասիզադեն նամակ է ուղարկել Եվրոպական հեռարձակման միությանը:

Tert.am